வியனுலகம்

என் கைகளில் காஃபி கோப்பையோ,தேநீர் கோப்பையோ இல்லை ஆனாலும் கவிஞர் பிரசாந்த் ஆல்ட்டோ எழுதிய "ஒரு Coffee யும், ஒரு Caffiene ம்" என்ற கவிதைப் புத்தகம் இருந்தது.  முதல் சில பக்கங்களிலேயே தொடர்ந்து படிக்க வேண்டுமென்ற ஆவலை ஏற்படுத்தி விட்டார். கவிதைகளும் அதற்கு அவர் சொல்லும் உதாரணங்களும் மிக அருமை. ஒவ்வொரு கவிதையும் ஒரு கதை சொல்கிறது, அந்தக் கதைக்குள்ளும் கவிதையிருக்கிறது. காதலி தன் அப்பா மீது வைத்திருக்கும் அன்பைப் போல காதலனும் அன்பை எதிர்பார்க்கும் ஒரு கவிதை படித்தேன், அடடே! இதுவரை இந்த மாதிரி கோணத்தில் எந்தக் கவிஞரும் இப்படி எழுதவில்லையே என்று பாராட்டும்படி இருக்கிறது. Emergency அன்பு என்று தலைப்பிட்டு வந்துள்ள அந்தக் கவிதை ஒன்றே போதும், ஒரு முறை சுவைத்துப் பார்த்தாலே முழுவதையும் குடிக்காமல் கிழே வைக்காத காஃபியைப் போலத் தான் இவரின் இந்தக் கவிதைப் புத்தகமும் இருந்தது. அவசியம் பருகுங்கள், கடைத் தெருவில் எங்கோ அலைந்து கொண்டிருக்கும் நமக்கு அங்கே அருகிலிருந்து ஒரு கடையில் காஃபியின் மணம் வீசுமல்லவா?அது போல உங்கள் நினைவுகளையும் இந்தப் புத்தகம் கவர்ந்திழுத்து விடும். வாத்துக்கள் கவிஞரே! ...

காதலில் மூழ்கித் திளைத்தவன் எங்கே இருப்பான்? ஒன்னா காதலியுடன் ட்ராவல்ல இருப்பான் இல்லாவிட்டால் இப்படி கவிதையில் மூழ்கிப் போவான். கவிஞன் மொழி அவர்களின் "தாரன்" என்ற கவிதைத் தொகுப்பு படித்தேன். என்னம்மா உருகி இருக்கார்யா இந்த மனுஷன், இவருக்குள்ளும் எதோ இருக்கு பாரேன் என்பது போலத்தான் தோன்றியது படித்து முடித்ததும். மனுஷன் கவிதை என்ற பெயரில் குடும்பமே நடத்தி இருக்கிறார், ரேஷன் கார்டு மட்டும் தான் வாங்கவில்லை அல்லது அது பற்றி இந்தக் கவிதையில் இல்லை. மற்றபடி காதலனாக இல்லாமல் கணவனாகவே வாழ்ந்து இருக்கிறார் கவிதையில். ஒரு கட்டத்தில் எனக்கு , பாஸ் இது உங்க கவிதைத் தொகுப்பா இல்லை காதல் டைரியா என்று கேட்கத் தோன்றியது. பல இடங்களில் பாஸ் நீங்க மைண்ட் வாய்ஸ் என்று சத்தமா பேசிட்டீங்க என்பது போல இருந்தது. காதல் கடிதம் தீட்ட மேகம் எல்லாம் காகிதம் என்பார்கள் , இவர் காதல் கவிதை தீட்ட பக்கத்து யுனிவெர்ஸ் மேகத்தை அடிஷனல் சீட்டாக எடுத்துக்குவார் போல. தரன் - ஒரு முழு பக்க காதல் இல்லை முழுக்க முழுக்க காதல் பற்றியது. அட்டைப் படமே அதற்கு சாட்சி! மாதவிடாய் பற்றி எழுதியிருந்தது சிறப்பு , ஆண் என்பது அதிகா...